السلام عليكم انا هدخل فى الموضوع على طول عشان مفيش وقت .فى فجر يوم العيد الناس كلها طبعا بتقفل عشان بيروحو يستعدو لصلاة العيد ففى محل ادوات كهربائيه

قدامنا .....بعد ماصليت العيد وراجعه شوفت قطه بتعوى بشكل فظيع وبما انى بربى قطط فتاكدت ان القطه دى بتستغيث المهم هى لسه والده وولادها محبوسين جوا

والراجل سافر البلد يعيد مع اهله وكذلك الراجل اللى معاه استبن المفتاح المهم قعدنا اول يوم العيد نتصل وطبعا غير متاح ومعرفناش نتصرف الوم التانى على المغرب كنا

وصلنا لصاحب المحل واستاذنا منو نكسر قفل المحل وبالفعل القطه جرت على ولادها وعرفنا مكانهم وحطيناهم فى كرتونه ونقلناهم قدام القطه الام عشان هى تنقلهم بمعرفتها فى مكان امن

المهم ان القطه اخدت كل القطط حتى الميت هما كانو اربعه عايشين وواحد ميت وسابت قط ومرديتش تاخده خالص وفضل ليلة كامله فى عز البرد على امل منا انها تحن عليه وتاخده

ماخدتوش ...انا اخدته عندى مبلول وبيترعش وعليه النمل والحشرات انا بشربه لبن بالسرنجه بس فه مشكله كبيره جدا ونفسى دكتور يحلهالى ويقولى اعمل ايه

هو بيتنفس زى الكتكوت اللى بيطلع فى الروح وبيتنفس من بقو الكلام ده كان الفجر ودلوقتى بيتنفس من مناخيره عادى وبقه مقفول بس بياخد نفسه بالعافيه

الدكاتره لسه مفتحوش وانا عايزه الحقه لايموت لانى شاكه انو عندو التهاب رئوى وبرد لان منخيره بتنزل سوائل تنصحونى اعمل ايه؟؟؟؟؟؟

ارجوكم ردو عليا باسرع وقت ممكن

ملحوظه هو بيتبرز وبيتبول عادى بس بياكل بالعافيه انا برضعه بالسرنجه بالعافيه وبديله لبن مبستر مخفف بالميه

واصلي اعتنائك به وتدفاته ولا تهملي تنضيف انفه ابدا وان شاء الله سيقاوم الا ان تاخذيه الى الطبيب
اذ انه لا يمكن ان نحكم انه مصاب بالتهاب رئوي قبل فحصه